Претседателот на Република Македонија, д-р Ѓорге Иванов, на вториот круг на претседателските избори 2019 година гласаше во избирачко место во средното училиште „Јосип Броз Тито" во Скопје.

„Како и сите граѓани, и јас лично очекувам овој изборен ден да помине во најдобар ред, и веќе вечер да дознаеме кој ќе биде петтиот претседател на Република Македонија. На идниот претседател му посакувам да ги исполни сите ветувања, затоа што тоа граѓаните го очекуваат од него и да го сочува достоинството на институцијата Претседател. Како што кажав и минатиот пат, очекувам многу помирен мандат, да се справува со сите предизвици и да наоѓа решенија со сите институции за добробитта на Македонија, на нејзините граѓани и за остварување на стратешките цели кои си ги имаме поставено", рече претседателот Иванов.

Претседателот на Република Македонија, д-р Ѓорге Иванов, со сопругата г-ѓа Маја Иванова и синот Иван, присуствуваа на Светата Златоустова литургија во храмот „Св. Великомаченик Георгиј" во Охрид, по повод празникот Воскресение Христово – Велигден.

По Светата Златоустова литургија македонскиот претседател на сите верници им го честиташе најголемиот христијански празник Воскресение Христово - Велигден.

„Од ова наше најсвето место, од нашиот православен Ерусалим на сите верници им го честитам овој голем христијански празник Велигден, со традиционалниот поздрав Христос Воскресна – Навистина Воскресна“, рече претседателот Иванов.

Празниците, додаде македонскиот претседател, се денови кога сме заедно со најблиските, кога славиме, кога се радуваме и воздигнуваме.

„Посакувам во текот на целата година сите граѓани на Република Македонија да бидат сплотени, да бидат заедно и да ги пребродат сите предизвици со кои се соочуваат во животот. Посакувам се најубаво за сите, да сме сплотени, заедно да мислиме за се она што доаѓа и што го оставаме во наследство за нашите поколенија", рече претседателот Иванов, по Светата Златоустова литургија во храмот „Св. Великомаченик Георгиј" во Охрид.

Претседателот на Република Македонија, д-р Ѓорге Иванов, со сопругата г-ѓа Маја Иванова и синот Иван, присуствуваа на Светата Златоустова литургија во храмот „Св. Великомаченик Георгиј" во Охрид, по повод празникот Воскресение Христово – Велигден.

По Светата Златоустова литургија македонскиот претседател на сите верници им го честиташе најголемиот христијански празник Воскресение Христово - Велигден.

„Од ова наше најсвето место, од нашиот православен Ерусалим на сите верници им го честитам овој голем христијански празник Велигден, со традиционалниот поздрав Христос Воскресна – Навистина Воскресна“, рече претседателот Иванов.

Празниците, додаде македонскиот претседател, се денови кога сме заедно со најблиските, кога славиме, кога се радуваме и воздигнуваме.

„Посакувам во текот на целата година сите граѓани на Република Македонија да бидат сплотени, да бидат заедно и да ги пребродат сите предизвици со кои се соочуваат во животот. Посакувам се најубаво за сите, да сме сплотени, заедно да мислиме за се она што доаѓа и што го оставаме во наследство за нашите поколенија", рече претседателот Иванов, по Светата Златоустова литургија во храмот „Св. Великомаченик Георгиј" во Охрид.

Претседателот на Република Македонија, д-р Ѓорге Иванов, на првиот круг на претседателските избори 2019 година гласаше во изборното место во средното училиште „Јосип Броз Тито" во Скопје.

„Очекувам денес денот да помине во најдобар ред, како што и доликува на земја која е веќе три децении во демократија. Изминатите денови граѓаните имаа можност да го слушнат сето она што го нудат кандидатите и денес да ја донесат својата одлука. Она што ќе биде одлука на следниот круг на претседателските избори, тоа ќе биде волјата на народот и нивна одлука ќе биде кој да ја претставува државата во следните пет години. Така што, им посакувам се најдобро на кандидатите и на победникот му посакувам многу помирен и поуспешен мандат", рече претседателот Иванов.

Прашан за очекувањата од неговиот наследник и каква порака ќе му прати, претседателот Иванов рече: „Ние веќе имаме континуитет како држава да ги оствариме нашите стратешки цели. Република Македонија заслужува да и припадне она за кое се изборила, но кое ни е ускратено досега. Очекувам многу помирен мандат, да нема толку кризи, затоа што во изминатиот период се соочувавме со многу политички кризи и предизвици, како во земјата, така и во регионот. Очекувам во наредниот период сето она што го имаат ветено на граѓаните да го исполнат и да ги оствариме нашите стратешки цели."

Во Кабинетот на Претседателот на Република Македонија, д-р Ѓорге Иванов, денеска се одржа церемонија на свечено менување на државното знаме.

На церемонијата присуствуваа ученици од ООУ "Блаже Конески", Скопје, како и деца од градинката "Мини фини буџетчиња", Скопје.

Промената на државното знаме на Република Македонија пред Кабинетот на Претседателот го изврши гардиската единица на Армијата на Република Македонија.

Манифестацијата на промена на државното знаме е со цел подигнување на чувството и почитта кон знамето на Република Македонија како репрезент и симбол на државноста на нашата земја.

Претседателот на Република Македонија, д-р Ѓорге Иванов, денеска го прими г. Хулуси Акар, Министер за одбрана на Република Турција.

На средбата беше разговарано за билатералните односи меѓу Република Македонија и Република Турција, за соработката во областа на одбраната и безбедноста, како и за актуелните состојби поврзани со интеграцијата на Република Македонија во НАТО.

Претседателот Иванов и министерот Акар го истакнаа интензивното ниво на соработка меѓу двете земји во областа на одбраната, преку редовни контакти на ниво на министерства за одбрана и на армиско ниво.

Во тој контекст, македонскиот претседател ја поздрави соработката во областа на одбраната и изрази задоволство од севкупната поддршка која Армијата на Република Македонија ја добива од страна на Република Турција, како од аспект на финансиска, така и практична и техничка поддршка, преку учество во заеднички обуки, вежби и мисии.

Двајцата соговорници, изразија подготвеност за натамошно јакнење на билатералните односите и за продлабочување на меѓу-армиската и безбедносната соработката.