Претседателот на Република Македонија, д-р Ѓорге Иванов, со сопругата г-ѓа Маја Иванова присуствуваа на свеченото отворањето на новиот објект на Македонската филхармонија.

Со концерт на Македонската филхармонија на која како солист настапи Симон Трпчески под диригентство на Владимир Ашкенази од Русија вечерва и официјално беше отворен новиот објект на Филхармонијата.

Новиот објект на Македонската филхармонија се протега на површина од 12.400 метри квадратни. Располага со две сали, голема сала со капацитет 1.000 места и мала, повеќенаменска сала со капацитет од 310 места од кои 168 се фиксни седишта, 110 се телескопски и 32 се мобилни седишта.

Големата сала располага со најсовремени сценско технолошки системи што објектот го позиционираат во врвот на објектите од овој тип. Материјалите кои се употребени во големата сала и архитектонската пластика овозможуваат врвна акустика. Во составот на големата сала е содржано и студио со режија, опремено со комплетна, современа аудио и видео техника која ќе се користи за продукција и снимање на музичките настани. Во објектот се обезбедени сите предуслови за подготовка на програмата на институцијата, изградени се посебни простории за вежбање на солистите и индивидуалните групи, како и придружни и административни простории, сите функционално поврзани на три нивоа.

Јордан е земја која е позитивен пример, која придонесува за  стабилноста на Блискиот Исток и од интерес на Македонија е да биде присутна  на безбедносно-разузнавачки, но и на економски план, изјави претседателот на Република Македонија, д-р Ѓорге Иванов, по средбата со Кралот на Јордан, Абдула II.

„Јордан е земја која е конструктивна и голем придонесувач за мирот во регионот. Јордан е домаќин на Светскиот економски форум многу години и улогата на Кралот е потенцирана од многумина, бидејќи Јордан успева во овој период на големи турбуленции во многу региони во светот, а особено на Блискиот Исток, да покаже како треба да се справуваме со предизвиците, изјави претседателот Иванов.

Претседателот Иванов, посочил дека ова е негова втора средба со кралот на Јордан, откако на минатогошната нивна средба во рамки на Генералното собрание на Обединетите Нации, двајцата државници се согласиле за интензивирање на соработката меѓу двете земји во повеќе сфери, особено во разузнавањето и размена на информации за сите оние закани што од Блискиот Исток доаѓаат во Европа и особено на Балканот.

„Средбата беше многу конструктивна и укажавме  на  постигнатиот напредок во сферата на  размена на информации и  соработка на планот на разузнавањето. Јордан има преку еден милион бегалци официјално, а неофицијално многу повеќе и ја има  улогата на посредник, земја, која се обидува да укаже на сета онаа состојба што со години е присутна на Блискиот исток и во Северна Африка, истакна претседателот Иванов по средбата со Кралот.

Претседателот најави потпишување на повеќе договори со Јордан, со што значајно би се унапредила нормативно-правната рамка и економската соработка меѓу двете земји.

„Јордан е земја каде што многу земји од Блискиот Исток обезбедуваат  храна, вода и лекови, и се што е неопходно. Ние  имаме 17 години воспоставено дипломатските односи и наследство кое е голем капитал и кое треба да се искористи. Преку 1000 луѓе во Јордан на високи позиции од естаблишментот завршиле факултет во Скопје во времето на поранешна Југославија, рече македонскиот претседател.

Македонската заедница, додаде претседателот Иванов, бара интензивирање на соработката со матичната земја, а многу од овие некогашни земји сакаат  побрзо да се воспостави правна рамка за да можат економските односи да почнат да соодвествуваат на она што сме го имале некогаш,  кога сме биле во Југославија, изјави претседателот, посочувајќи дека постојат многу потенцијали за развивање на соработка преку Јордан и со земјите од Блискиот исток.

Кралот на Јордан е домаќин на Светскиот економски форум за Блискиот Исток и Северна Африка,  што се одржува во Аман, а претседателот Иванов учествува на  негова лична покана.

На Светскиот економски форум за Блискиот Исток и Северна Африка  учествуваат над 1000 политички лидери, претставници од бизнис секторот и цивилното општество, од повеќе од педесетина држави, меѓу кои кралот на Шпанија, Фелипе VI, ирачкиот претседател Фуад Масум, египетскиот претседател Ал Сиси, високиот претставник на ЕУ за надворешни работи и безбедносна политика и заменик-претседател на Европската комисија, Федерика Могерини, комесарот за европска соседска политика и преговори за проширување на ЕУ, Јоханес Хан, холандскиот МНР, Берт Коендерс, норвешкиот МНР, Борге Бренде, Словачкиот МНР, Мирослав Лајчак и други.

Претседателот на Република Македонија, д-р Ѓорге Иванов, денска престојува во работна посета на Хашемитското Кралство Јордан по повод учеството на Светскиот економски форум за Блискиот Исток и Северна Африка,  што се одржува во Аман.

Претседателот Иванов учествуваше на пленарната сесија на свеченото отворање на Светскиот економски форум за Блискиот Исток и Северна Африка. Темите на дискусија на форумот се однесуваат на улогата на Кралството Јордан во регионот, економските перспективи на земјите од овој регион, промените во геополитиката и хуманитарните предизвици во однос на состојбите во Сирија, Ирак и Либија, како и актуелната мигрантската криза.

Во рамки на учеството на Светскиот економски форум за Блискиот Исток и Северна Африка, претседателот Иванов оствари средба со Вилијам Лејси Свинг, генерален директор на Меѓународната организација за миграција (ИОМ).Двајцата соговорници разменија мислења за соработката меѓу Република Македонија и ИОМ, како и за активностите на организацијата на регионално и на глобално ниво.Претседателот Иванов изрази благодарност за досегашната соработката што Република Македонија ја остварува со ИОМ, особено за поддршката во справувањето со мигрантската криза.Генералниот директор изрази задоволство од односот и третманот на Република Македонија кон бегалците и мигрантите, согласно сите меѓународните стандарди и ги поздрави начините на кои земјата се справува со мигрантската криза.На средбата претседателот Иванов изрази подготвеност за вклученост на Република Македонија во идните активности на ИОМ и продолжување на соработката согласно потребите на државата. На покана на Република Македонија, генерален директор на Меѓународната организација за миграција ќе ја посети Република Македонија.

Македонскиот претседател во Јордан оствари средба  и со заменик претседателот на Јапонската меѓунарoдна агенција за соработка (JICA), Кеничи Томијоши. На средбата беа разменети мислења за можностите за соработка меѓу Република Македонија и JICA во сферите одзаеднички интерес.‎

Претседателот Иванов односите со Јапонија ги оцени како одлични, посочувајќи дека со отворањњето на амбасадите на Македонија во Јапонија и на Јапонија во Македонија, очекува интензивирање на политичкиот дијалог и збогатување на севкупната соработка. Јапонија е еден од најголемите билатерални донатори на Република Македонија и  JICA има посебно место и улога на овој план, за што Македонија искажа благодарност.  На средбата беа разгледани можностите за продолжување на поддршката за Република Македонија во областите на животната средина и кризен менаџмент со природни катастрофи, како и за можноста за отворање на регионална канцеларија на  JICA во Република Македонија.

Во рамки на учеството на Светскиот економски форум, претседателот Иванов оствари средба со генералнот директор на УНЕСКО, г-ѓа Ирина Бокова, на којабеше разговарано за тековните и идните активности и проекти на Република Македонија во соработка со светската организација за образование, наука и култура.

Двајцата соговорници ја потврдија одличната соработка меѓу Република Македонија и УНЕСКО, и изразија подготвеност за нејзино проширување во насока на натамошна реализација на проекти од областите на културата, образованието, науката, комуникациите, информациите, и во однос на програмите за млади и граѓанското општество.

Претседателот Иванов истакна дека Република Македонија придава големо значење на соработката со УНЕСКО и активно ги промовира и учествува во нејзините активности и иницијативи.

„Република Македонија ги поддржува програмите на УНЕСКО, и ние сме исклучително посветени во напорите за заштита на изобилното природно и културно-историско наследство кое го имаме", посочи македонскиот претседател, и изрази благодарност за поддршката која УНЕСКО континуирано и ја дава на Република Македонија преку проекти реализирани во рамките на мултилатералната и директната соработка.

На средбата беа разменети мислења околу актуелните случувања во Република Македонија на политички план, информации за улогата на УНЕСКО во однос на бегалската криза,  како и за актуелностите и реформските процеси во светската организација. Во таа наоска, Бокова го информираше претседателот Иванов за предизвиците со кои се соочува УНЕСКО.

На Светскиот економски форум за Блискиот Исток и Северна Африка  учествуваат над 1000 политички лидери, претставници од бизнис секторот и цивилното општество, од повеќе од педесетина држави, меѓу кои кралот на Шпанија, Фелипе VI, ирачкиот претседател Фуад Масум, египетскиот претседател Ал Сиси, високиот претставник на ЕУ за надворешни работи и безбедносна политика и заменик-претседател на Европската комисија, Федерика Могерини, комесарот за европска соседска политика и преговори за проширување на ЕУ, Јоханес Хан, холандскиот МНР, Берт Коендерс, норвешкиот МНР, Борге Бренде, Словачкиот МНР, Мирослав Лајчак и други.

Претседателот на Република Македонија, д-р Ѓорге Иванов, во пресрет на 23 Мај – Националниот ден на Власите, денеска ги прими претставниците на Влашката заедница во Република Македонија.

На средбата беа разменети мислења за состојбата и активностите на Влашката заедница, во контекст на остварување на нивните права, како и за нивното учество во севкупниот политички и општествен живот во Република Македонија.

Претседателот Иванов им го честиташе Националниот ден на Власите, порачувајќи им дека како до сега така и во иднина ќе ги поддржува активностите на Влашката заедница и ќе се залага за натамошно негување и промовирање на влашката култура и традиција во Република Македонија. Во тој контекст македонскиот претседател потенцираше дека Власите отсекогаш биле лојални и посветени граѓани кои се успешни на сите општествени полиња, истакнувајќи го нивниот придонес во градењето на македонскиот модел на соживот и почитување на различноста меѓу етничките заедници.

Претставниците на Влашката заедница изразија задоволство од личниот ангажман на претседателот Иванов во насока на градење на мултиетничко и демократско општество и се заблагодарија за неговата активна улога во негувањето на влашкиот идентитет, култура и традиција како рамноправна етничка заедница во Република Македонија.

Претседателот на Република Македонија, д-р Ѓорге Иванов го врачи мандатот за состав на Влада на Република Македонија на г. Зоран Заев.

Почитувани претставници на медиумите,

Пречките за доверување на мандат за состав на Влада на Република Македонија се отстранети.

Денеска пристапуваме кон исполнување на член 84, алинеја 1 од Уставот на Република Македонија за определување мандатар за состав на Владата на Република Македонија.

Коалицијата предводена од Социјалдемократскиот сојуз на Македонија, која има мнозинство во Собранието на Република Македонија, го предложи господинот Зоран Заев да биде кандидат кому ќе му биде доверен мандат за состав на Влада на Република Македонија.

Благодарам.

Во рамки на работната посета на Република Турција, Претседателот на Република Македонија, д-р Ѓорге Иванов денеска во Истанбул се обрати на 17. Глобален лидерски форум што го организира престижниот Универзитет Бахчешехир.

На свеченото отворање на Глобалниот лидерски форум, македонскиот претседател зборуваше за предизвиците на лидерството во 21 век.

„Сомнежот во авторитетите, потрагата по вистина и желбата за личен успех укажуваат на основната причина за кризата на лидерството. А тоа е моралниот ваккум во лидерството", истакна Претседателот Иванов. Во таа насока, потсети дека е неопходно одлучно лидерство какво што Република Македонија покажа во справувањето со мигрантската криза.

Осврнувајќи се на примери од минатото, Претседателот Иванов извлече неколку универзални принципи на успешните лидери, меѓу кои карактерот, интегритетот, подготвеноста да се служи на општото добро и фокусот на луѓето.

На свеченото отворање, Управата на Универзитетот ја обзнани одлуката да се доделат стипендии за мастер и докторски студии што ќе го носат името на Претседателот Ѓорге Иванов. Стипендиите ќе се доделуваат на кандидати кои ќе обработуваат теми поврзани со Република Македонија.

Претседателот Иванов заедно со другите високи гости им ги доделија наградите на младите членови на тимот INTEGRA од Гимназијата за природни науки и технологија Бахчешехир кои неодамна ја освоија 3-та награда во светот во меѓународниот натпревар по роботика. Заблагодарувајќи се за укажаната чест, членовите на тимот изразија желба да соработуваат со нивни колеги од Република Македонија.

На вчерашната Гала вечера, Претседателот Иванов, меѓу другото се осврна на предизвиците со кои се соочува Република Македонија поради двојните стандарди и негирањето на идентитетот на македонските граѓани.

Универзитетот Бахчишехир е еден од најпрестижните меѓународни приватни универзитети во Турција. На Глобалниот лидерски форум, кој се организира секоја година, учествуваат актуелни и поранешни шефови на држави и влади, министри, амбасадори, истакнати професори од Турција и светот.