Почитуван господине Претседателe,

По повод 4 јули - Денот на независноста на Соединетите Американски Држави, со особено задоволство од името на граѓаните на Република Македонија и од свое име, Ви упатувам најсрдечни честитки и искрени желби за натамошен просперитет на Вашата држава и за благосостојба на пријателскиот американски народ.

Ја користам оваа прилика да Ве уверам, господине Претседателе, во трајната определба на Република Македонија за натамошно продлабочува-ње на односите со Соединетите Држави, со кои нè поврзуваат традиционално пријателство и сојузништво, како и богата соработка во повеќе области од заемен интерес, како на билатерален, така и на мултилатерален план. Република Македонија и нејзините граѓани се горди што во духот на пријателството и солидарноста, споделувајќи ги заедничките визии за јакнење на мирот, безбедноста и демократијата во нашиот регион, но и пошироко, изгради партнерски односи со Вашата голема нација.

Со уверување во нашата целосна подготвеност за негување и за јакнење на партнерските односи со Вашата голема нација, господине Претседателе, Ви ги упатувам изразите на моето највисоко почитување.

Д-р Ѓорге Иванов