Претседателот на Република Македонија и Врховен командант на вооружените сили на Република Македонија д-р Ѓорге Иванов на првиот ден од Новата 2011 година ги посети припадниците на АРМ во скопскиот стационарен јазол за врски - Водно и им ги честита новогодишните празници.

Традиционално секој 1 јануари сум со Армијата на Република Македонија и првите честитки ги упатувам до војниците и старешините на Армијата на Република Македонија. Додека ние празнувавме тие беа тука да ја обавуваат својата должност за што сите ние сме горди и благодарни, изјави Претседателот Иванов. На војниците од АРМ во стационарниот јазол за врски - Водно по повод новогодишните празници Претседателот Иванов им подари телевизор. Преку видео врска, Претседателот Иванов со желби за успех им ја честита Новата 2011 година и на македонските мировници во Авганистан и во Босна и Херцеговина.

Претседателот на Република Македонија д-р Ѓорге Иванов упати новогодишни честитки и до граѓаните на Република Македонија. Честитки до сите граѓани на Македонија и со оптимизам, нова сила, нова енергија да се соочиме со сите предизвици кои не очекуваат во оваа година, изјави Претседателот Иванов.