Ваша екселенцијо,

Во име на граѓаните на Србија и во свое име, Ви ги упатувам најискрените благодарности за несебичната, правовремена човечка и професионална помош која Република Македонија ја упати до мојата земја, погодена од природна катастрофа со несогледливи размери.

Ви благодарам на хуманоста и солидарноста, помошта во луѓе и опрема, без кои бројот на жртви би бил далеку поголем. Слободно можам да Ве замолам на мојата опустошена земја да и помогнете во седмиците и годините кои следат. Не чека борба за обезбедување храна, сместување и лекување за десетици илјади луѓе, особено деца. Мораме на разурнатините, на чистините да ги подигнеме градовите кои со векови биле подигани, а кои беа уништени за три дена. Пред нас е тежок период и скоро невозможна работа за обнова на земјата. Помогнете ни колку можете. Народот на Србија знае да ја цени и памети Вашата помош. Србија на која ќе и помогнете во обновата ќе биде споменик на добротата и племенитоста на Вашиот народ и држава.

Почитуван господин претседател, примете ја уште еднаш мојата лична благодарност. Ве уверувам дека народот на Србија високо ја цени и секогаш ја памети пријателската и човечка помош на Вашата земја и народ.

Претседател на Република Србија
Томислав Николиќ