Претседателот на Република Македонија, д-р Ѓорге Иванов упати телеграма со сочувство до претседателот на Република Турција, г. Абдула Ѓул, а по повод големата рударска несреќа во западна Турција.

Почитуван господине Претседателe,

Со длабоко жалење ја примив веста за тешката рударска несреќа во западна Турција, покрај местото Маниса, и длабоко жалам за изгубените животи и настраданите во оваа голема трагедија.
Во овие мигови на жалост, кога нема соодветни зборови што ќе ја намалат Вашата и тагата на пријателскиот турски народ, во свое име и во име на граѓаните на Република Македонија, упатувам изрази на најдлабоко и искрено сочувство. Нашите молитви се со Вас и со семејствата на настраданите.
Ве молам, господине Претседателe, изразите на најдлабоко сочувство да ги пренесете до семејствата на настраданите во оваа тешка несреќа.

д-р Ѓорге Иванов