Ваша Екселенцијо,
Ми претставува особена чест и задоволство да Ви упатам најсрдечни честитки по повод Вашиот избор на функцијата Претседател на Република Индија. Воедно, Ви упатувам искрени желби за успешно извршување на одговорната функција, добро здравје и лична среќа.

Длабоко сум убеден дека во периодот што ни претстои ќе го развиваме и зајакнуваме пријателството меѓу нашите две земји и народи. Верувам дека со заеднички ангажман можеме да придонесеме за продлабочување и интензивирање на односите и соработката меѓу Република Македонија и Република Индија во сите сфери од заеднички интерес, како на билатерален, така и на мултилатерален план. Во таа насока, сакам да Ве уверам во мојата и на Република Македонија целосна подготвеност.

Со такво уверување, Ви ги упатувам, Ваша Екселенцијо, изразите на моето највисоко почитување.

д-р Ѓорге Иванов