Претседателот на Република Македонија д-р Ѓорге Иванов упати честитка до Кралот на Белгијанците, Алберт II, по повод Националниот празник на Кралството Белгија:

Ваше кралско Височество,

Имам особена чест и големо задоволство, по повод Националниот празник на Кралството Белгија, од мое лично име и од името на граѓаните на Република Македонија, да Ви упатам срдечни честитки и искрени желби за просперитет на Вашата земја и за натамошна благосостојба на нејзините граѓани.

Дозволете ми, во оваа свечена пригода, да ја изразам мојата увереност дека и во иднина успешно ќе се развиваат добрите односи и меѓусебното разбирање меѓу нашите пријателски држави. Сакам да го подвлечам интересот и подготвеноста на Република Македонија, за натамошно унапредување на соработката во сите сфери од заеднички интерес.

Посакувајќи Ви натамошна успешна работа, добро здравје и лична среќа, Ви ги упатувам, Ваше Височество, изразите на моето највисоко почитување.

д-р Ѓорге Иванов