Претседателот на Република Македонија д-р Ѓорге Иванов испрати писмо со сочувство до Претседателот на Република Чиле г-ѓа Мишел Бачеле, по повод катастрофалниот земјотрес.

Почитувана госпоѓо Претседател,

Со длабоко жалење ја примив веста за големата трагедија која ја погоди Вашата земја. Жалам за изгубените животи, за големите и ненадоместливи штети предизвикани од оваа природна катастрофа.

Во овие мигови на длабока тага за Вас, Вашата држава и сиот хуман свет, во свое лично име и во име на граѓаните на Република Македонија упатувам изрази на најдлабоко сочувство.

Ваша Екселенцијо, верувам дека меѓународната солидарност и хуманост ќе помогнат да се ублажат последиците од оваа невидена трагедија.

Ве молам, изразите на најдлабоко сочувство да ги пренесете до семејствата на настраданите и сакам да Ве уверам дека граѓаните на Република Македонија искрено жалат за овој трагичен настан.