Претседателот на Република Македонија д-р Ѓорге Иванов денеска прими членови на Македонскиот Институт за Интеграција.

На средбата, Зоран Јанакиев, Претседател на Македонскиот Институт за Интеграции, го информираше Претседателот Иванов за досегашната работа на Институтот, и можностите за застапување во Европскиот Парламент и во други институции во Брисел, кои Институтот ги нуди. Јанакиев ги претстави активностите во сферата на економскиот развој и промоција на производи и услуги од Македонија, како и проектите за поддршка на развојот на единиците на локалната самоуправа од Македонија.

Претседателот Иванов оцени дека редовното претставување на Република Македонија и можностите за соработка кои се нудат во Брисел е од исклучителна важност за земјата, особено во периодот кој што следува врзан за Белгиското претседателство со ЕУ. Претседателот Иванов изрази поддршка за активностите на Македонскиот Институт за Интеграција, согласно неговите ингеренции.