Претседателот на Република Македонија д-р Ѓорге Иванов по повод Денот на независноста на Република Албанија упати честитка до Претседателот на Република Албанија д-р Бамир Топи.

Почитуван господине Претседател,

Дозволетe ми, по повод Денот на независноста на Република Албанија, во мое лично име и во името на граѓаните на Република Македонија, да Ви упатам најсрдечни честитки со најискрени желби за натамошен просперитет и благосостојба на Вашата земја и нејзините граѓани.

Ја користам оваа свечена пригода, да го изразам задоволството од досегашниот, мошне успешен развој на односите и соработката меѓу нашите две земји. Република Македонија и јас лично, сме силно посветени кон зацврстувањето и продлабочувањето на дијалогот, добрососедските односи и меѓусебната соработка, со цел остварување на заедничките заложби за стабилен и просперитетен регион, за негова евроатлантска иднина. На тој план, би сакал да го истакнам интересот, како и подготвеноста на Република Македонија, за натамошно унапредување на вкупните односи и соработка, особено во сферата на економијата и инфраструктурните поврзувања.

Упатувајќи Ви ги изразите на моето највисоко почитување, дозволете ми, господине Претседател, да Ви посакам натамошен успех во работатa, добро здравје и лична среќа.

д-р Ѓорге Иванов