header

header_peperut_-_Copy3

Г-ѓа Маја Иванова на Меѓународен конгрес за културата и музиката во Анкара
Сабота, 06 Ноември 2010   

009zenskiПрвите дами на Македонија, Турција, Словенија, Латвија и Азербејџан присуствуваа на Меѓународен конгрес во Анкара посветен на „Меѓународното културно наследство и музика“, кој се одржа од 04-06 ноември 2010 година, во организација на Универзитетот Билкент, еден од најдобрите приватни универзитети во Турција, а под покровителство на Првата дама на Република Турција, г-ѓа Хајруниса Ѓул.

Овој собир беше можност за г-ѓа Маја Иванова, заедно со присутните први дами, Хајруниса Ѓул, Барбара Миклиќ Тирк, Лилита Затлерс, и Мерхибан Алијева да учествуваат во засилувањето на културната размена меѓу овие пријателски земји, и преку  свои обраќања и модераторство на одделни сесии да пренесат дел од своите традиционални обележја во културата и музиката. Покрај првите дами на овој настан присуствуваа многу истакнати имиња од Република Турција, како и звучни имиња од светот на музиката и музикологијата. Меѓу другите, учество на конгресот зеде и од најпознатите современи композитори, диригенти и виолинисти, маестро Лорин Мазел.

Г-ѓа Маја Иванова имаше свое обраќање на конгресот со кое ја презентираше македонската култура и музика во најдобро светло, истакнувајќи ги обележјата и особеностите на нашата култура и музика.

„Уметноста, традицијата и културата претставуваат суштинска интеграциона нишка на секој народ. Традициите и достигнувањата на генерациите пред нас се извор на неизмерна сила која ми помага да ги надминам препреките и ми дава волја да се соочам со новите предизвици. Во таа насока, ги поддржувам сите иницијативи за културно-уметничко изразување, зачувување на традицијата, фолклорот, но и создавање на нови форми на израз преку поезија, музика и уметност. Македонскиот фолкор е една од најпрепознатливите вредности на македонскиот идентитет. Во нашиот фолклор се препознаваат и каракте-ристиките на балканските народи, но уште повеќе се отсликува и несебично го прифаќа и слави триумфалниот момент на препо-знавање на својот сопствен белег, на македонската традиција. Тоа е уште еден факт дека Македонија отсекогаш била спој на различните култури,“ истакна г-ша Иванова во своето обраќање.

Во сесијата  која таа ја модерираше, имаше чест да ги најави највисоките гости покрај присутните први дами, Министерот за култура на Република Турција и националниот011kultura координатор на Република Турција за УНЕСКО. И како што самата тема на конгресот ја наметна потребата, но и задоволството, г-ѓа Маја Иванова со огромна чест ја презентираше македонската култура преку македонскиот фолклор испреплетен во настапот на Ансамблот за народни игри и песни  „Танец“. Општо прифатено беше чувството дека настапот на „Танец“ ги обедини сите присутни и ги доближи сите до она што нашиот фолклор го одржал низ вековите.

Домаќинката на настанот, Првата дама на Република Турција, г-ѓа Хајруниса Ѓул, во своето обраќање се осврна на обележјата на турската култура и музика, нагласувајќи дека: „Култура не се само амамите и ановите. Музиката е универзален јазик преку кој постигнуваме разбирање, а образованието и културата помагаат во исправање на сите неправилности од минатото“. Според првата дама на Турција заштитата на различностите во културното наследство се помага и е доста олеснета благодарние и на УНЕСКО.

Првата дама на Република Латвија, г-ѓа Лилита Затлере, ги презентираше фолклорните карактеристики на нејзината земја, исто како и г-ѓа Турк од Словенија. И двете имаа одлични презентации на тоа како државата помага во развојот на културата и музиката. Првата дама на Република Азербејџан, г-ѓа Мехрибан Алијева, пак, истакна дека музиката е универзален инструмент на дијалог и нагласи дека светот не треба да се унифицира, туку дека се потребни различностите.


 

Биографија

Првата дама на Република Македонија, госпоѓа Маја Иванова, е дипломиран правник кој во слободното време пишува поезија. 

Повеќе

 

Фото галерија

Maja_fotogal