Почитуван г-дин Претседател,

Навистина е тешко да се издвојат сите позитивни аспекти на Школата за млади лидери 2011г. Ви благодарам што визијата која ја имавте за нас, вашите студенти, ја продолживте и проширивте за сите млади луѓе во Македонија. Навистина е чест да се биде меѓу овие млади умови, кои со синергијата која ја создаваат ветуваат светла иднина за нашата држава. Ви благодарам за стекнатото знаење , за пријателствата , за врвните предавачи и одличната организација, но пред се' , Ви благодарам за инспирацијата која секојдневно ја црпам од Вас и Вашата работа.

            Со почит,

Ивана Атанасоска

Знаеш, можеш, сакаш...

Погледни длабоко во себе и решението е секогаш таму некаде.

Голема можност за тие што знаат да ја искористат.

Благодарам за можноста да бидам дел од ова.

Хоџа Нусрет

Почитуван Претседателе ,

Ми беше особена чест и задоволство што бев дел од оваа благородна мисија организирана од страна на Вашиот кабинет, а се’ со цел да се вложува во младите лидери од сите сфери на македонското општество, од Македонците во дијаспората и околните земји, како и претставници на другите етнички заедници во Р. Македонија.

Искуствата и знаењата што ги стекнав од различните области во текот на обуката, предадени од видни дипломати, професори, бизнисмени, кои се во тек со најновите светски трендови во економијата и политиката ќе придонесат за мое поефикасно работење во рамките на мојата компанија, ширејќи ја сета оваа култура како единствен начин за напредок на Македонија во секој поглед и нејзино интегрирање во рамките на ЕУ.

Христина Коловска, Технички гасови Ск.

Dear President,

We are very impressed by the initiative, organization and students of this Leadership Program. We are convinced that this initiative is of great benefit not only to Macedonia but also whole international community spreading trust in quality, hard work and commitment among young people.

Finally let as thank for the hospitality and for hosting as in such beautiful place as Ohrid is.

Yours,                                                 

                                                                   Piotr Jelenski, ASSECO                   

Господине Претседателе

Визионерите како Вас го прават светот поубаво место за живеење. Една ваква огромна иницијатива за собирање на едно место на најдобрите млади Македонци од целиот свет, може да биде дадена само од врвни луѓе како што сте и Вие самиот и Вашата институција. Оваа иницијатива е каменче од мозаикот на македонското образование, кое не беше на своето место. 

Оваа школа за мене претставува мост кој ги поврзува младоста на учесниците и искуството на предавачите, инвестиција која за кратко време ќе вроди со позитивен развој на различни делови на општеството.

Визионерството е тоа што ги прави луѓето лидери. Упорноста им дава храброст да не потклекнат пред предизвиците. Спојот на лидерството и храброста поместува планини, правејќи вистински чуда во светот.

Ѓорѓи Јанакиев

Почитуван претседателе,
Би сакала да изразам голема благодарност за Вашата иницијатива, желба и одлука да под Ваше покровителство се реализира една врвна школа за млади лидери. Ми претставува вистинска чест да бидам дел од учесниците и сум восхитена од можноста да ги запознаам и да ги следам предавањата на врвните предавачи во оваа школа. Воодушевена сум од можноста да стекнам нови знаења, да разменам мислења и споделам искуства со сите големи лидери кои ни предаваа за време на обуката и на крајот заклучувам дека ова е нов чекор кон создавање и издигнување на вистинските вредности. Како пијанистка, уметник, оваа школа за мене беше особено интересна и инспиративна и воедно претставува мотив да продолжам да работам и да ги применувам новостекнатите знаења во полето во кое работам- во сферата на културата и уметноста. Мојата порака за Вас ја завршувам со цитат од Џон Максвел: "Лидер е оној кој го знае патот, оди по тој пат и умее да го покаже и на другите"
Ви благодарам што ни го покажавте патот.
                                                                       Со почит, 
                                                                       Емилија Потевска

Почитуван Претседателе, лидер, визионер, ентузијаст и над сè голем човек!

Претставуваше чест и задоволство да се биде дел од школата за млади лидери која што сметам дека е една брилијантна и иновативна идеја што максимално придонесува за градење на кариерата на младите.

Ви благодарам Вас и на целата организација која што беспрекорно го поднесе товарот на овој сериозен и професионален проект кој што и оваа година успешно се реализира. Видовме и научивме што значи да се биде вистински лидер и искрено се надевам и верувам дека еден ден и ние ќе служиме за пример на добри лидери. Инвестиравте долгорочно и ни покажавте како! А ние за возврат тоа ќе го примениме и ќе инвестираме за подобра Македонија.

                                                                      Со почит,

Почитуван Претседателе,

Да се биде избран за учесник на школата за млади лидери е привилегија, да се биде присутен на часовите беше уживање и предизвик, да се биде член на ИСЛАА е веќе одговорност пред Македонија и пред Вас.

Благодариме на иницијативата и инспирацијата која од Вас ја добивме и црпевме со цел да се насочи нашиот интелект, волја и акција кон подобрување на самите нас, а со тоа и на Македонија!

                                                                      Со почит,

                                                                      Јосипа Ризанкоска

Почитуван претседател на Република Македонија д-р Ѓорге Иванов,

дозволете ми да го искажам моето задоволство од можноста да учествувам на “Обуката за инспирирање и развој на млади лидери” како Македонец кој е роден во дијаспората.

Содржината на предавањата ја надградија мојата магистратура оти се запознав со нови практики со кои ги развив и усовршив моите лидерски вештини. Знам дека ќе ми помогне да придонесам за позитивен развој на општеството и околината во која живеам, а најмногу се радувам од можноста да ги запознаам македонските идни лидери и да останам со нив во контакт преку успешната алумни асоцијација ISLAА.

Со голем почит и длабока благодарност,

                                                                      Злате Ковилоски

Би сакала да ја изразам мојата огромна благодарност затоа што инвестирате во младите на ваков начин. Поминавме денови исполнети со инспирација, дружба, споделување и позитивна енергија. Оваа школа ми влева надеж за Македонија. Ветувам дека ќе возвратам со истата одговорност и ќе ја посветам мојата кариера за подобра Македонија.

                                                       :)