За време на официјалната посета на Претседателот на Република Македонија, д-р Ѓорге Иванов, на Чешката Република, сопругата на Претседателот г-ѓа Маја Иванова оствари средба со г-ѓа Ивана Земанова, сопруга на Претседателот г. Земан. Покрај средбата на претседателските парови, г-ѓа Иванова и г-ѓа Земанова имаа одвоена дамска програма на која покрај средбата, имаа и кратка прошетка низ прашкиот замок.

Сопругата на Претседателот, г-ѓа Маја Иванова, во рамки на посетата, го посети Националниот институт за аутизам NAUTIS. Г-ѓа Иванова се запозна со начинот на функционирање на институтот, програмите за деца, младинци и возрасни лица со аутизам, од градинка, дневен престој, домување до програмите со лични асистенти за лицата со аутизам. Домаќините ја информираа г-ѓа Иванова за дијагностицирањето, особено раната дијагноза на децата со аутизам, терапија, но и помош и поддршка за нив и нивните родители.


Г-ѓа Иванова и соговорниците разменија мислења за актуелните состојби со аутизмот во двете држави, паралела на законските регулативи, активностите на здруженијата, а се отвори и тема за можна идна соработка меѓу Институтот и организации од Република Македонија. Сопругата на Претседателот информираше за нејзините активности за подигање на свеста за аутизмот во Македонија и нејзината соработка со сите засегнати страни во областа на аутизмот.

Г-ѓа Маја Иванова, за време посетата на Чешка, оствари средба и со г-ѓа Ливија Клаусова, сопруга на поранешниот Претседател на Република Чешка г. Клаус. Двете дами имаа прилика да се сретнат неколкупати при официјални активности, и поради нивното долгогодишно пријателство, г-ѓа Иванова изрази желба да се сретнат и при оваа посета на Чешката Република.

Сопругата на претседателот на Република Македонија, г-ѓа Маја Иванова, во рамки на учеството на 73. Генерално Собрание на Обединетите Нации, присуствуваше на настанот со сопругите на шефовите на делегациите учесници на 73. ГС на ОН, во организација на Првата дама на САД, г-ѓа Меланија Трамп.

На приемот првата дама на САД ги престави активностите во рамки на нејзината кампања BE BEST, која е во насока на поддршка и промоција на програми и организации што им помагаат на децата во целиот свет. г-ѓа Трамп информираше и за нејзините следни активности, како и за нејзината прва самостојна посета на Африка во октомври.

Во рамки на приемот на шефовите на делегациите учесници на 73. ГС на ОН  што го приредија американскиот претседател, Доналд Трамп и неговата сопруга, Меланија Трамп, покрај средбите со други гости, г-ѓа Иванова се сретна и со јорданската кралица Раниа.


Г-ѓа Иванова присуствуваше и на настан на високо ниво што го приреди првата дама на Република Турција, г-ѓа Емине Ердоган, посветен на зајакнување на положбата на жената во Африка. На состанокот беше порачано дека грижата за жените во Африка е хумана должност. Г-ѓа Ердоган ги презентираше и нејзините активности со ТИКА во афричките земји.


Претходно, во Детроит, г-ѓа Иванова ја посети Детската болница Мичиген, кадешто беше запозната со севкупната работа на оваа детска болница, идните планови во нејзината работа, а беше разговарано и за можностите за соработка на болницата со здравствени институции во Македонија. Г-ѓа Иванова ги претстави нејзините активности поврзани со детското здравје, со посебен акцент на децата со аутизам.

Во Детроит, г-ѓа Иванова одржа средба со истакнати преставнички на македонската дијаспора. Г-ѓа Иванова беше прогласена за Почесен член на Советодавното тело на програмата за женско лидерство на Обединетата Македонска Дијаспора.

Сопругата на претседателот на Република Македонија, г-ѓа Маја Иванова, денеска организираше велигденски ручек за сопругите на резидентните амбасадори во Република Македонија, при што беа посетени манастирската црква „Св. Андреја" и манастирот „Успение на Пресвета Богородица" на Матка во близина на Скопје.

На ручекот присуствуваа сопругите на амбасадорите на Европската унија, Русија, Чешка, Германија, Унгарија и Шведска.

Според г-ѓа Маја Иванова, Македонија изобилува со огромно културно и духовно наследство и затоа велигденскиот ручек, еднодневната прошетка и посета се одржаа во едни од најубавите скопски манастири - манастирската црква Св.Андреја и манастирот Успение на Пресвета Богородица во Матка од каде што заедно со сопругите на амбасадорите упатија пораки за мир, љубов, благосостојба, здравје, среќа, радост и убавини.

„ Оваа година е посебно значајна за Република Македонија затоа што одбележуваме еден неповторлив јубилеј, а тоа е 1000 - годишнината од Охридската Архиепископија и 60 години од нејзиното возобновување. Со оглед на тоа што Македонија е лулката од каде што е тргнато христијанството да се шири низ Европа за што сведочи и Библијата, особено ми е драго што со моите гостинки денеска можеме да присуствуваме овде", истакна г-ѓа Иванова.

Г-ѓа Иванова упати и повик до сите православни христијани - со посета на манастирите и црквите во текот на оваа година, да се вклучат во одбележувањето на овој голем јубилеј, затоа што е многу значаен за Македонската православна црква и за православната вера воопшто во Република Македонија.

Сопругата на рускиот амбасадор во Република Македонија, г-ѓа Лариса Шчербак на сите православни христијани им упати честитка со порака за мир и љубов.

„ Многу сум среќна што сум тука во овие свечени денови и би сакала да им посакам на сите православни во светот и на сите православни христијани во светот мир, пред се во светот, мир во нивните души. Љубов кон ближниот, љубов кон Христос. Христос воскресе!", порача г-ѓа Шчербак.

Сопругата на шведскиот амбасадор, г-ѓа Билјана Стафансон истакна дека овој настан кој го организираше г-ѓа Маја Иванова веќе прераснал во традиција.

„Ова е веќе традиција што г-ѓа Маја Иванова организира еден ваков убав настан за нас. Пресреќни сме и уживаме во овој прекрасен настан! ", рече г-ѓа Стафансон.

Сопругата на Претседателот на Република Македонија, г-ѓа Маја Иванова, денеска ја посети Клиниката за детски болести во Скопје, и на децата кои се лекуваат на клиниката им подели новогодишни пакетчиња по повод Новогодишните и Божиќните празници.

- Традиционално, последниот ден од годината го поминувам со децата коишто се хоспитализирани на Детската клиника во Скопје, и за жал новогодишната ноќ ќе је пречекаат овде. Новогодишните подароци што денеска им ги дадовме барем за миг ќе ја вратат насмевката и радоста на детските лица. Посетите на детската клиника ми се секогаш драги, затоа што сум овде за да поддржам, да поттикнам, или да се вклучам во реализација на некој проект кој што значи подобрување на здравствената заштита на децата во Република Македонија, изјави г-ѓа Маја Иванова.

Г-ѓа Иванова во 2013 година беше покровител на Националната донаторска кампања под мотото „Да помогнеме навреме", со која, со целосна поддршка на Турската меѓународна агенција за соработка и развој-ТИКА, беше изграден Ургентниот центар на Клиниката за детски болести.

Под покровителство на г-ѓа Иванова, и со поддршка на ТИКА, годинава се финализираше и проектот за реновирање и опремување на Одделот за интензивна нега во рамките на Детската клиника, со кој се обезбеди нов и реновиран простор, најсовремена и модерна опрема и мебел, по сите најсовремени стандарди, со што се подобрија условите на Детска клиника и за буквално најмалите пациенти.

- Горда сум на овие два проекта, затоа што уште еднаш ќе потенцирам дека се одвиваа под мое покровителство, и дека интензивната нега и детскиот ургентен центар, можеме слободно да кажеме дека претставуваат едни од најубавите во овој регион, изјави г-ѓа Маја.

По повод Новата 2018 година, г-ѓа Иванова упати честитки до родителите на децата, до персоналот на Детската клиника и до медиумите.

- Да ви пожелам добро здравје среќа радост и успеси и се надевам дека секогаш од оваа клиника ќе имаме успешни приказни, дека децата се оздравени и се вратени кај своите семејства во прегратките на своите родители и во училишните клупи, порача сопругата на Претседателот на Република Македонија, г-ѓа Маја Иванова.

Сопругата на Претседателот на Република Македонија, г-ѓа Маја Иванова, е наградена со Златен медал на форумот Кран Монтана, за нејзините активности, проекти и иницијативи од хуманитарен карактер, што и беше врачен на церемонија во рамки на 28. Годишна сесија на форумот Кран Монтана, во Барселона.

„Активностите што како сопруга на претседателот на Република Македонија ги преземав, се во областа на здравството, образованието и имаат социјален, но пред се хуманитарен карактер. Кога мојот сопруг ја презеде функцијата, почуствував дека можам да ја насочам својата енергија и своите активности, моето знаење и мојот ентузијазам за да поддржам, за да потикнам или реализирам иницијативи кои што ќе бидат за општо добро. Мојата цел ја насочив кон две сфери и тоа кон активности кон жените и кон децата, а посебно кон онаа најранливата категорија на децата со посебни потреби и со аутизам. Вложивме многу напори, многу иницијативи ги преточивме во проекти коишто добија своја реализација“, истакна сопругата на претседателот, г-ѓа Маја Иванова.

Како што посочи г-ѓа Иванова, под нејзино покровителство беа отварањето на Центарот за сензорска терапија за децата со аутизам, како и отварањето на Детскиот ургентен центар.

„Одовде можам да ви најавам и еден нов проект, една убава иницијатива што прерасна во реализација. За неколку дена ќе биде отворен и Центарот за интензивна нега на Детската клиника, проект што се одвиваше под мое покровителство што исто како и Ургентниот центар, се реализирани целосна финансиска поддршка на турската агенција ТИКА“, рече г-ѓа Иванова.

За неа, сите награди што се добиваат се поттик да се продолжи понатаму, за реализација на други иницијативи и заложби.

„Меѓутоа јас секогаш велам дека најголема наградата за мене, е кога ќе направите нешто за што ќе добиете една детска прегратка, еден детски бакнеж, или една детска насмевка, или кога ќе видите како едно здраво дете излегува од клиниката и се враќа во прегратките на своите родители, пријатели, баби и дедовци“, рече г-ѓа Иванова.

Златен медал на форумот Кран Монтана се доделува на етаблирани имиња од меѓународната јавност како признание за постигнувања во насока на похуман свет.

Сопругата на македонскиот претседател е вклучена во бројни активности што имаат социјален, образовен, здравствен предзнак, а пред се хуманитарен карактер и најмногу се посветени на децата, на нивното здравје и на нивните права, здравата исхрана и навики.

Под покровителство на г-ѓа Иванова во Скопје беше отворен Центар за сензорна терапија на деца со аутизам, а ја предводеше и националната кампања за отворање на првиот Ургентен центар на Детската клиника, прв од таков вид во Република Македонија и регионот.

Г-ѓа Иванова е покровител на повеќе проекти и иницијативи кои се однесуваат на жените, нивните права и женското здравје, меѓу кои серозевите кампањи, посветени на борбата против ракот на дојка. 

Сопругата на претседателот Иванов поддржува бројни општествено-корисни иницијативи и проекти во чиј фокус се ранливите категории.

The wife of the President of the Republic of Macedonia, Ms. Maja Ivanova, hosted Her Royal Highness Princess Maha Chakri Sirindhorn of Thailand, who is paying a visit to the Republic of Macedonia.
 

During the two-day visit to Macedonia, the Thai Princess visited some of the significant cultural - historical sites in Macedonia and got acquainted with the rich Macedonian culture, history and tradition.
 

At the meeting, Princess Maha Chakri and the President’s wife, Ms. Maja Ivanova, shared opinions and ideas for cooperation in the areas and activities they have in common and are part of the agendas of the two ladies.
 

Ms. Ivanova informed about the projects she is involved in and supports in the Republic of Macedonia. In this context, the wife of the Macedonian President referred to the initiatives taking place under her auspices related to women and children, primarily to the activities related to children with disabilities and child nutrition.
 

Both ladies agreed that this is a good opportunity and open door for possible future cooperation in the areas and topics they share common interest in.
 

The Thai princess expressed appreciation for the hospitality in Macedonia, expressing readiness to initiate future joint activities through exchange of experiences and knowledge.
 

During her stay in Skopje, Mrs. Ivanova and Princess Maha Chakri visited the Monastery of St. Panteleimon and the complex “Macedonian Village” in Nerezi.
 

Princess Maha Chakri visited the Archaeological Museum, the Church of St. Spas, the Millennium Cross in Vodno, the Painted Mosque in Tetovo, the Matka Canyon, the Cave Vrelo, and strolled the Old Bazaar in Skopje and the Square “Macedonia”.
 

Within the visit, the Thai Princess was presented with the Lifetime Achievement Award by the Foundation “Alliance of Civilizations” - Skopje.
 

Princess Maha Chakri Sirindhorn is the third child of late King Bhumibol Adulyadej and Queen Sirikit of Thailand. She is the sister of the current King Maha Vajiralongkorn. The Thai Princess is a Special Ambassador to the UN World Food Program and Goodwill Ambassador of UNESCO for empowerment of minority children through education and protection of their intangible cultural heritage. In the past, she taught history at the Royal Military Academy in Thailand and now holds social and charitable functions and is chair of philanthropic organizations and foundations in her state.