Претседателот на Република Македонија д-р Ѓорге Иванов потпиша указ со кој посмртно се одликува професор Круме Кепески со Орден за заслуги за Македонија. Орденот за професор Кепески се доделува за високите дострели во неговата долгогодишна образовна дејност. Професор Кепески е автор на првата македонска граматика, со што даде исклучителен придонес во промовирањето и афирмацијата на македонскиот литературен јазик во светот.