Македонскиот Претседател д-р Ѓорге Иванов денеска во Москва присуствуваше на воената парада по повод 65-годишнината од Победата над фашизмот, и притоа оствари кратка средба со рускиот колега Дмитриј Медведев.

- Парадата во Москва беше можност повторно да ја видиме антифашистичката коалиција заедно и Македонија, која е дел од таа коалиција. Македонија учествувајќи во тоа успеа по толку векови во тој период да ја создаде својата држава, изјави Претседателот Иванов.

На средбата со Претседателот Медведев било разговарано за односите меѓу Македонија и Русија, за економските односи меѓу двете држави, за Договорот за пријателство и соработка, кој треба наскоро да биде потпишан, како и за дополнителна либерализација на визната политика за руските граѓани за нивно влегување и транзитирање низ Македонија. Претседателот Иванов истакна дека на средбата му се заблагодарил на Медведев за поканата на економскиот самит во Санкт Петерсбург, кој треба да се одрзи од 16 до 18 јуни годинава.

Освен со Медведев, Претседателот Иванов во Москва се сретна и со претседателите на Чешка Вацлав Клаус, на Словачка Иван Гаспаровиќ, на Србија Борис Тадиќ, на Хрватска Иво Јосиповиќ и на Црна Гора Филип Вујановиќ.

- Со сите нив разговаравме за економската криза, која на некој начин го стеснува просторот за политичко дејствување, истакна Иванов.

Македонскиот претседател за време на престојот во Москва имаше можност да се сретне и со рускиот патријарх Кирил. Патријархот Кирил, кој е добро запознат со состојбите во Македонската православна црква, изразил подготвеност, во рамки на неговите можности, да придонесе прашањето кое ги оптоварува односите на МПЦ со другите православни цркви да најде своја завршница.

На грандиозната парадa, која се одржа денеска на Црвениот плоштад, учествуваа повеќе од 12.000 војници, 100 авиони, над 150 оклопни возила со различни видови ракети, а тоа што ја издвојува оваа манифестација од сите досегашни е што првпат во руската историја четири НАТО батаљони се најдоа меѓу учесниците на парадата.

Македонија ги следи сите моментални односи на моќ што постојат и во политиката и во економијата, особено во енергетиката. Владата на секој начин е вклучена во овие глобални процеси и особено она што доаѓа по кризата дека постои подготвеност кај нас да знаеме каде да се ориентираме, изјави македонскиот претседател Ѓорге Иванов на маргините на 13. Евроазиски економски самит кој почна денеска во Истанбул.

Иванов, јави известувачот на МИА од Истанбул, посочи дека ова не е само економски Самит, туку се обработуваат теми од геополитиката, геокултурата односно селењето на моќта. 

- Моето присуство на овој Форум ги потврдува извонредните односи што ги имаме со Република Турција. Меѓутоа присуството на членови на македонската Влада, бизнис и академската заедница покажува дека вообичаената фраза дека економските не ги следат политичките односи што ги имаме со Турција треба конечно да се промени, рече Иванов. Тој нагласи дека сето она што досега го имало на политички план сега се пренесува на економски план со цел бизнис заедницата од Турција почесто да биде присутна во Македонија.

Присуството на Самитот, истакна Иванов, е извонредна можност да се споделат сознанија, искуства и вештини кои земјите во регионот ги практикуваат, а во Македонија не биле присутни. Според него, сите овие сознанија и искуства од регионот се добродојдени за Македонија и на некој начин се поттикнување на економската соработка меѓу Македонија и Турција.

Учесниците на Самитот во претпладневниот дел од расправата се фокусираа на потенцијалите на евроазиските држави кои се недоволно искористени. Учесниците прогнозираа дека по завршувањето на светската економска криза тежиштето на светската економија и моќта да се преместат кон помоќните евроазиските земји – Турција, Кина, Русија, Азербејџан и Индија.

Во рамки на сесијата за енергијата попладнево учесниците на Самитот ќе расправаат за инвестициите во алтернативните енергетски проекти односно за значењето на изградбата, организацијата и маркетингот на далноводите. Меѓу темите е и проектот за гасоводот Набуко и интегрирањето на цевководите на природен гас од Египет, Катар и Ирак со линијата на Набуко, како и изворите на енергија во Евроазија.

Претседателот Иванов, кој е придружуван од вицепремиерот Владимир Пешевски и од министерот без ресор Хади Незир, попладнево ќе ја посети општината Шишли каде градоначалникот ќе му додели златен клуч.

Иванов утре ќе има обраќање на Самитот на  кој учесниците ќе дискутираат за глобалната финансиска криза, кординација и регионалната соработка, а ќе стане збор за економијата и туризмот.

На Самитот покрај Иванов учествуваат и албанскиот претседател Бамир Топи, поранешните претседатели на Бугарија, Жељу Желев и Петар Стојанов, на Романија, Јон Илиеску и Емил Константинеску, на Турција, Сулејман Демирел, на Естонија, Арнолд Рутел и на Монголија,  Настагиин Багабанди, заменици премиери и министри од земјите на Централна Азија, Европа, Блискиот Исток, Далечниот Исток, Америка и Африка, како и претставници на 32 меѓународни организации.

По повод 107 годишнината од загинувањето на македонскиот револуционер Гоце Делчев, Претседателот на Република Македонија д-р Ѓорге Иванов и претставници на државниот врв го посетија неговиот гроб во црквата Свети Спас.

Средбата на Претседателот Иванов и министерот Либерман беше посветена на разгледување на односите меѓу двете држави, во контекст на честите и високи средби на државниот врв кои придонесуваат за нов квалитет во односите меѓу Македонија и Израел. Претседателот Иванов, кој го посети Израел во октомври минатата година, истакна дека двете земји имаат одлични билатерални односи и го изрази задоволство од соработката во насока на безбедноста, демократскиот развој и економскиот напредок.

Двајцата соговорници констатираа дека значен момент кој придонесува за меѓусебното разбирање меѓу двете земји се длабоките историски врски меѓу двата народа и сличните судбини кои ги споделуваат.

Претседателот Иванов ги искажа македонските ставови во врска со разликата околу името со нашиот јужен сосед, кој Грција го наметнува како предуслов за македонските интеграции во НАТО и во Европската Унија. Претседателот потенцираше дека со членството на Македонија во НАТО и во ЕУ, ќе се даде голем придонес кон економскиот развој и кон ширење на стабилноста во просторот на Југоисточна Европа.

Министерот Либерман истакна дека Македонија е држава која придонесува, не само кон регионалната стабилност и безбедност, туку таа има и значаен удел во меѓународната безбедност со своето учество во мировните мисии во светските кризни зони, но и преку својот уникатен модел на демократија, толеранција и соживот.

Во рамките на заложбата за засилување на економската соработка на двете стопанства, Претседателот Иванов го поздрави вклучувањето на претставници на израелски компании во делегацијата на Министерот Либерман. Претседателот го повтори интересот на Република Македонија за соработка со врвните израелски компании од областа на високата технологија, земјоделството и други гранки.

Реализацијата на ваквиот проект беше предвидено во мојата изборна програма, и тој треба да овозможи институцијата претседател на Република Македонија да може да биде поблиску до граѓаните. Тоа треба да биде место каде тие можат да се информираат за надлежностите на претседателот, да достават се она што сметаат дека е потребно да го знае Претседателот, да достават предлози и претставки, рече на отворањето на канцеларијата претседателот Ѓорге Иванов.

Претседателот појасни дека во канцеларијата ќе работат волонтери кои ќе бидат во непосреден контакт со граѓаните ќе ги упатуваат, да и укажат доколку некој проблем е во надлежност и на други институции, односно да им овозмоат на граѓаните што полесно да ги претстават своите иницијативи предлози и преставки. Во Канцеларијата има волонтери од неколку етнички заедници.

Локацијата на канцеларијата, додаде претседателот Иванов, е избрана да биде во центарот на градот во близината на плоштадот со цел да биде подостапна за граѓаните.

Претставките и предлозите кои ќе се достават до Нариодната канцеларија, ќе бидат проследени во надлежните служби на Кабинетот на Претседателот. Покрај канцеларијата во Скопје планирано е отворење вакви канцеларии во сите поголеми градови во државата.

Претседателот на Република Македонија д-р Ѓорге Иванов денеска во Охрид ги отвори 13-те Македонски Студентски Игри, кои што се одржуваат во организација на Студентскиот парламент на Универзитетот “Св. Кирил и Методиј“ - Скопје, каде што учество земаа 800 студенти од Р.Македонија, Р.Србија, Р.Хрватска, Р.Бугарија, Р.Босна и Херцеговина.

Претседателот Иванов ги поздрави учесниците посочувајќи дека по паѓањето на шенгенската бариера младите луѓе имаат можност да се дружат и комуницираат, разменуваат идеи, да се запознаат со различните образовни системи. Настанот кој по составот на учесниците е регионален претставува можност за студентите, како иднина на државата, да разменуваат идеи и да размислуваат за подобрување на општеството во кое живеат, истакна Претседателот Иванов.